يقول / ﺍﻣﺲ ﺑﻌﺪ ﺻﻼﺓ ﺍﻟﻌﺸﺎﺀ ﺗﻘﺮﻳﺒﺂ ﻋﻄﺘﻨﻲ ﺃﺧﺘﻲ
25 ﺭﻳﺎﻝ ﻭﻗﺎﻟﺖ ﺟﺐ ﻣﻨﺎﻛﻴﺮ ﻟﻮﻧﻪ ﻣﻮﻓﻲ ...
ﻭﻣﻦ ﺳﻮﺀ ﺣﻆ ﺃﺧﺘﻲ ﺍﻟﻌﺰﻳﺰﺓ ﺇﻧﻲ ﺍﻟﻴﻮﻡ
ﻣﻄﻔﺮ ﻭﻗﻠﺖ ﺑﻼ ﻣﺎﺭﻛﺎﺕ ﺑﻼ ﻫﻢ ﺃﺭﻭﺡ ﻟﻤﺤﻞ
ﺃﺑﻮ ﺭﻳﺎﻟﻴﻦ ﻭﺍﺷﺘﺮﻳﻠﻬﺎ ﻣﻦ ﻫﻨﺎﻙ ﻭﺗﺤﻤﺪ ﺍﻟﻠﻪ
ﻭﺗﺸﻜﺮﻩ >> ﺍﻟﻮﻟﺪ ﻣﺨﻄﻂ ﻋﻠﻰ 23 ﺭﻳﺎﻝ ﺍﻟﻲ
ﺑﺘﺒﻘﻰ .. ﺧﺨﺨﺨﺨﺨﺨﺨﺨﺦ ﻭﺻﻠﺖ ﻟﻠﻤﺤﻞ
ﻭﻟﻸﺳﻒ ﻣﺎﻟﻘﻴﺖ ﻣﻠﺒﻖ ﻟﺴﻴﺎﺭﺗﻲ ﺍﻻ ﺑﺤﺪﻭﺩ
ﻣﺸﻲ ﻋﺸﺮ ﺩﻗﺎﻳﻖ ﺭﺟﻠﻴﺔ ﻭﺗﻔﺎﺟﺌﺖ ﻳﻮﻡ
ﻭﺻﻠﺖ ﻟﻠﻤﺤﻞ ﺃﺑﻮ ﻳﻤﻦ )) ﺃﺣﻠﻰ ﺗﺤﻴﻪ ﻷﺧﻮﺍﻧﺎ
ﺍﻟﻴﻤﻨﻴﻴﻦ .. ﻻﻳﺰﻋﻠﻮﻭﻥ ﻭﻻﻳﻜﻤﻠﻮﻭﻭﻥ
ﺍﻟﻤﻮﺿﻮﻉ ((... ﺍﻟﻤﻬﻢ ﻟﻘﻴﺘﻪ ﻭﺍﻗﻒ ﺑﺎﻟﺒﻮﺍﺑﻪ
ﻭﻣﻨﻌﻨﻲ ﻣﻦ ﺍﻟﺪﺧﻮﻝ ﻳﻘﻮﻝ ﺍﻟﺪﺧﻮﻝ ﻟﻠﻌﻮﺍﺋﻞ
ﻓﻘﻂ ﻻﺣﻮﻭﻭﻝ ﺣﺘﻰ ﻣﺤﻞ ﺃﺑﻮ ﺭﻳﺎﻟﻴﻦ ﺻﺎﺭ
ﻟﻠﻌﻮﺍﺋﻞ ﺑﻌﺪ !؟ ﻳﺎﺑﻦ ﺍﻟﺤﻼﻝ ﻛﻠﻬﺎ ﺩﻗﻴﻘﺘﻴﻦ
ﺑﺸﺘﺮﻱ ﻣﻨﺎﻛﻴﺮ ﻭﺍﺑﻄﻠﻊ ﻭﺃﺑﻮ ﻳﻤﻦ ﻣﺎﻓﻴﻪ ﺍﻣﻞ
ﻳﻮﺍﻓﻖ ﻭﻧﺎﻇﺮﺗﻪ ﺑﻌﻴﻦ ﺣﺎﺭﺓ ﻭﻗﻠﺖ ﻭﺍﻟﻠﻪ ﻣﺎﻳﻨﻔﻊ
ﻟﻚ ﺍﻻ ﺣﺮﻛﺔ ﻣﻦ ﺣﺮﻛﺎﺕ ﺍﻟﻔﻴﺼﻠﻴﺔ ﻭﻗﻔﺖ ﻋﻨﺪ
ﺍﻟﺒﺎﺏ ﻟﻴﻦ ﻣﺎﻭﻗﻒ ﺟﻤﺲ ﻭﻧﺰﻝ ﻋﺸﺮ ﺣﺮﻳﻢ
ﻣﻌﻬﻢ ﺷﻨﻄﻪ ﺑﻬﺎ ﺗﺮﺍﻣﺲ ﺷﺎﻫﻲ ﻭﻗﻬﻮﺓ
ﻭﻣﻌﻬﻢ ﻓﺮﺍﺵ ﻭﻋﺮﺑﻴﻪ ﻳﺪﻓﻮﻥ ﺑﻬﺎ ﺑﺰﺭ ﺗﺤﻠﻔﻮﻥ
ﺑﺎﻟﻠﻪ ﺇﻧﻬﻢ ﺭﺍﻳﺤﻴﻦ ﻟﺴﺘﺎﺭ ﺳﺘﻲ ﻣﻬﻮﺏ ﻣﺤﻞ ﺍﺑﻮ
ﺭﻳﺎﻟﻴﻦ .. ﻣﺸﻴﺖ ﺟﻨﺐ ﺍﻟﺒﺰﺭ ﻭﺍﻣﻪ ﺗﺪﻓﻪ ﺑﺎﻟﻌﺮﺑﻴﺔ
ﻭﻳﻮﻡ ﻭﺻﻠﻨﺎ ﻟﻠﺒﺎﺏ ﻧﺰﻟﺖ ﺭﺍﺳﻲ ﻭﺑﺪﻳﺖ ﺃﻟﻌﺐ
ﻣﻊ ﺍﻟﺒﺰﺭ ﺇﻏﺎﺍﺍﺍﺍﺍﺍﺀ ﻭﺃﻧﺎﻇﺮ ﺃﻣﻪ ﻭﺃﻗﻮﻟﻪ ﺃﻧﺘﻲ
ﺟﺎﻳﺒﺘﻦ ﺭﺿﺎﻋﺘﻪ؟ ﻭﺃﺑﻮ ﻳﻤﻦ ﻳﻘﻮﻝ ﺃﻳﻮﻭﻭﻩ
ﻳﺎﺧﻲ ﻣﻦ ﺍﻷﻭﻝ ﺟﻴﺐ ﺃﻫﻠﻚ ﻃﺒﻌﺂ ﻣﻊ ﺍﻟﺮﺑﺸﻪ
ﻭﺷﺪﺓ ﺍﻟﺰﺣﻤﺔ ﻣﺎﻗﺪﺭﺕ ﺍﻷﻡ ﺗﺴﻮﻱ ﺷﻲ ﻭﺃﻧﺎ
ﺍﻟﻲ ﺍﺷﻮﻑ ﺍﻷﻡ ﺗﻨﺎﻇﺮ ﺷﻨﻄﺘﻬﺎ ﻭﺗﻨﺎﻇﺮ ﺭﺍﺳﻲ
ﺗﻨﺎﻇﺮ ﺷﻨﻄﺘﻬﺎ ﻭﺗﻨﺎﻇﺮ ﺭﺍﺳﻲ ﻋﺎﺩ ﻃﻠﻌﺖ ﺭﻳﺎﻝ
ﻭﺣﻄﻴﺘﻪ ﺑﻌﺮﺑﻴﺔ ﺍﻟﺒﺰﺭ ﻋﻦ ﻗﻮﻟﺔ ﺷﻜﺮﺁ ﺍﺧﺎﻑ
ﺍﻗﻮﻝ ﻟﻬﺎ ﺷﻜﺮﺍ ﻭﺗﺸﻜﺮﻥ ﻫﻲ
ﺑﺎﻟﺸﻨﻄﺔ <<.. ﺍﺑﺸﺮﻛﻢ ﺍﻧﻄﺒﻘﺖ ﺍﻟﺤﻴﻠﻪ ﻭﺩﺧﻠﻨﺎ
ﻣﺤﻞ ﺍﺑﻮ ﺭﻳﺎﻟﻴﻦ ... ﺃﻭﻝ ﻣﺎﺩﺧﻠﺖ ﺍﻟﻤﺤﻞ ﻓﻘﺪﺕ
ﺍﻻﺗﺼﺎﻝ ﺑﺎﻟﻌﺎﻟﻢ ﺍﻟﺨﺎﺭﺟﻲ ﻷﻧﻲ ﺍﻭﻝ ﻣﺮﻩ
ﺍﺷﻮﻑ ﺯﺣﻤﺔ ﺯﻱ ﻛﺬﻩ ﻫﺬﻱ ﺗﺴﺤﺐ
ﺷﻤﺎﻏﻲ؟ ﻭﻫﺬﻱ ﺗﺪﻑ؟ ﻭﻫﺬﻱ ﺗﻘﻮﻝ ﻭﺧﺨﺨﺮ
ﻟﻮ ﺳﻤﺤﺖ ﺛﻢ ﻣﺎﺩﺭﻱ ﺍﻻ ﻭﻫﻲ ﺷﺎﻳﺘﺘﻨﻲ
ﺑﻮﻭﻭﻭﻭﻭﺯ ﺁﺧﺮ ﺷﻲ ﻗﺎﻣﻮ ﻳﻮﻃﻮﻧﻲ ؟ ﺗﻮﻱ
ﺍﺩﺭﻱ ﺍﻥ ﺍﻟﺴﻌﻮﺩﻳﺎﺕ ﺟﻠﻮﻭﻭﻑ >> ﻭﻳﻦ
ﺍﻟﻠﺒﻨﺎﻧﻴﺎﺕ ﻋﻨﻜﻢ ﻭﻳﻦ >>> ﻣﻬﻮﺏ ﻣﻨﺠﻠﺪ ﺍﺑﺪ ...
ﻣﺸﻴﺖ ﺑﺎﻟﻤﺤﻞ ﺑﻌﺪ ﻣﻌﺎﻧﺎﺓ ﻭﻛﻞ ﻣﻦ ﺷﻔﺘﻪ
ﺳﺄﻟﺘﻪ ﻭﻳﻦ ﺍﺣﺼﻞ ﻗﺴﻢ ﺍﻟﻤﻨﺎﻛﻴﺮ ﻭﻣﺸﻴﺖ ﻟﻴﻦ
ﺷﻔﺖ ﻟﻲ ﻭﺣﺪﻩ ﻓﺎﺗﺸﺔ ﻭﻣﺒﻮﺑﺰﺓ ﻟﻔﺖ ﺍﻧﺘﺒﺎﻫﻲ
ﺍﻟﻤﻨﻈﺮ ﻭﺗﻌﻠﺜﻤﺖ ﺑﻬﺎﻟﺴﺆﺍﻝ ﺑﻌﺪ ﻣﺎﺗﻨﺤﻨﺤﺖ
ﻃﺒﻌﺎ ﻟﻮ ﺳﻤﺤﺘﻲ ﻭﻳﻦ ﺍﻟﻘﻰ ﺍﻟﻤﻨﺎﻛﻴﺮ ﻓﻴﻪ؟
ﻭﻋﻴﻨﻚ ﻣﺎﺗﺴﻤﻊ ﺍﻻ ﻳﺎﻣﻨﺎﺣﻲ ﻳﺎﻣﺤﻤﺎﺱ
ﺗﻨﺎﺩﻳﻬﻢ !؟ ﻭﻣﺎﺗﺸﻮﻓﻮﻥ ﺍﻻ ﻏﺒﺎﺭﻱ ﻭﺍﻟﻰ ﺳﺎﻋﺔ
ﺍﻋﺪﺍﺩ ﻭﻛﺘﺎﺑﻪ ﻫﺬﺍ ﺍﻟﻤﻮﺿﻮﻉ ﻭﺍﻧﺎ ﺿﺎﻳﻘﻦ
ﺻﺪﺭﻱ ﻭﺩﻱ ﺍﺩﺭﻱ ﻭﺵ ﺟﺎﻟﺴﻪ ﺗﺴﻮﻱ ؟
ﺍﻟﻤﻬﻢ ﻣﺸﻴﺖ ﻟﻴﻦ ﻭﺻﻠﺖ ﻟﻤﻜﺎﻥ ﻣﺰﺣﻮﻡ
ﺑﺎﻟﻤﺮﻩ ﺣﺘﻰ ﺷﻜﻴﺖ ﻣﻦ ﺻﺮﺍﺧﻬﻢ ﺍﻧﻲ
ﺑﺎﻟﺠﻤﺮﺍﺕ ﻣﻬﻮﺏ ﺑﻤﺤﻞ ﺍﺑﻮ ﺭﻳﺎﻟﻴﻦ ﻫﺬﻱ
ﺗﺼﺎﺭﺥ ﻋﻠﻰ ﺍﺑﻮ ﻳﻤﻦ ﻭﺗﻘﻮﻟﻪ ﻗﺎﻳﻠﺘﻠﻚ ﺃﺑﻲ
ﻋﺸﺮ ﺩﺭﺍﺯﻥ ﻣﻦ ﺩﻓﺘﺮ ﺍﺑﻮ ﺳﺘﻴﻦ ﻭﻳﻨﻬﺎ؟ ﻭﻭﺣﺪﻩ
ﺛﺎﻧﻴﻪ ﺗﻘﻮﻝ ﺑﺼﻮﺕ ﻋﺎﻟﻲ ﺍﻟﻠﻪ ﺃﻛﺒﺮ ﺍﻟﻠﻪ ﺃﻛﺒﺮ
ﺍﺳﺘﻐﺮﺑﺖ ﺍﻧﺎ ﻭﻗﻠﺖ ﺍﻛﻴﺪ ﻓﻴﻬﺎ ﺑﻠﻰ ﺫﻱ ﻭﻳﻮﻡ
ﻗﺮﺑﺖ ﻟﻬﺎ ﺳﻤﻌﺘﻬﺎ ﺗﻘﻮﻝ ﺗﻮﻧﻲ ﺣﺎﻃﺔ ﺑﺠﻨﺒﻲ
ﺩﺭﺯﻥ ﺩﻓﺎﺗﺮ ﺃﺑﻮ ﻭﺟﻪ ﻭﻭﺟﻪ ﻣﻦ ﺍﻟﻠﻲ ﺃﺧﺬﻩ >>
ﻣﺎﻃﻴﺤﺖ ﻗﻠﺒﻪ ﺍﺑﺪ ﻃﺒﻌﺎ ﻃﻠﻊ ﺍﻟﻤﻜﺎﻥ ﻫﺬﺍ
ﻣﺨﺼﺺ ﻟﻼﺩﻭﺍﺕ ﺍﻟﻤﺪﺭﺳﻴﻪ ﻭﻗﺘﻬﺎ ﺣﻤﺪﺕ
ﺭﺑﻲ ﻭﻗﻠﺖ ﺍﺷﻮﻯ ﺍﻥ ﺍﺧﺘﻲ ﺗﺒﻲ ﻣﻨﺎﻛﻴﺮ ﻣﺎﺗﺒﻲ
ﺩﻓﺎﺗﺮ ﻣﺸﻴﺖ ﺃﺩﻭﺭ ﻋﻦ ﺍﻟﻤﻨﺎﻛﻴﺮ ﻭﻓﺠﺎﺓ ﻣﺴﻜﺖ
ﺍﻳﺪﻱ ﻋﺠﻮﺯ ﻭﻗﺎﻟﺖ ﺍﻟﻠﻪ ﻳﻮﻓﻘﻚ ﻭﻳﺨﻠﻴﻚ
ﻟﻤﻴﻤﺘﻚ ﺳﺎﻋﺪﻧﻲ ﺑﺎﻏﺮﺍﺿﻲ ﻭﺻﻠﻬﺎ ﻟﻠﻤﺤﺎﺳﺐ
ﻗﻠﺖ ﻟﻬﺎ ﺗﺎﻣﺮﻳﻦ ﺍﻣﺮ ﻭﺣﺒﻴﺖ ﺭﺍﺳﻬﺎ ﺗﻘﺪﻳﺮ
ﻭﺍﺣﺘﺮﺍﻡ ﻭﻳﻮﻡ ﺷﻔﺖ ﺍﻟﻌﻔﺶ ﺍﻟﻠﻲ ﻫﻲ
ﻣﺠﻤﻌﺘﻪ ﺑﺰﺍﻭﻳﻪ ﻗﻠﺖ ﻟﻬﺎ ﻭﺍﻟﻠﻪ ﻟﻮ ﺗﻌﻄﻴﻦ
ﺍﻓﻐﺎﻧﻲ 500 ﺭﻳﺎﻝ ﻣﺎﺷﺎﻟﻬﺎ ﻟﻚ ﻧﻌﻨﺒﻮﺍ ﺍﺑﻠﻴﺴﻬﺎ
ﻣﺎﺧﻠﺖ ﺷﻲ ﻣﺎﺷﺮﺗﻪ ؟ ﻗﺎﻟﺖ ﺗﻌﺎﻝ ﻭﺍﻋﻄﻴﻚ
ﺍﻟﻠﻲ ﺗﺒﻲ ﻗﻠﺖ ﻭﺍﻟﻠﻪ ﻟﻮ ﺗﻘﻮﻟﻴﻦ ﻟﻲ ﻭﻳﻦ ﻣﻜﺎﻥ
ﺍﻟﻤﻨﺎﻛﻴﺮ ﻣﺎﺷﻠﺘﻬﺎ ﻟﻚ <<.. ﺑﻼﻛﻤﻤﻤﻤﻢ
ﻣﺎﺷﺸﻔﺘﻮﻭﻭ ﺣﻮﺳﺘﻬﺎﺍﺍﺍ ... ﺍﻟﻤﻬﻢ ﻣﺸﻴﺖ
ﻭﺧﻠﻴﺘﻬﺎ ﻟﻴﻦ ﻭﺻﻠﺖ ﻵﺧﺮ ﺍﻟﻤﺤﻞ ﻭﺣﺼﻠﺖ
ﻗﺴﻢ ﻣﺎﻓﻴﻪ ﻧﺎﺱ ﻛﺜﻴﺮ ﻭﺣﺼﻠﺖ ﻟﻲ ﺷﺎﺏ
ﻣﺮﺳﻢ ﻳﻨﺎﻇﺮ ﻣﺠﻤﻮﻋﺔ ﻭﺭﻭﺩ ﺍﻋﺠﺒﺘﻨﻲ
ﺭﻭﻣﺎﻧﺴﻴﺘﻪ ﻭﺳﺄﻟﺘﻪ ﻋﻦ ﺍﻟﻤﻨﺎﻛﻴﺮ ﻗﺎﻝ ﺍﻧﺎ
ﻣﺸﻐﻮﻝ ﺍﺳﺘﻐﺮﺑﺖ ﻣﺸﻐﻮﻝ ﻭﺣﺴﻴﺖ ﺍﻧﻪ
ﻣﺮﺗﺒﻚ ﻭﺑﻮﻗﺘﻬﺎ ﺩﻕ ﺟﻮﺍﻟﻪ ﻭﺍﺛﺮﻫﺎ ﺧﻮﻳﺘﻪ
ﻣﺘﻮﺍﻋﺪﻳﻦ ﺍﻟﻤﻬﻢ ﻣﺸﻰ ﻟﻤﻬﺎ ﻭﻣﺸﻴﺖ ﻭﺭﺍﻩ ﻟﻴﻦ
ﺗﻘﺎﺑﻠﻮﺍ ﻭﻳﺴﻠﻢ ﻋﻠﻴﻬﺎ ﻛﻴﻔﻚ ﺣﻴﺎﺗﻲ؟ ﻭﻫﻲ
ﺑﺨﻴﺮ ﻳﺎﻋﻮﻭﻭﻣﺮﻱ ﻭﻗﺒﻞ ﻻ ﻳﻌﻄﻴﻬﺎ ﺍﻟﻮﺭﺩﻩ
ﺩﺧﻠﺖ ﺑﻴﻨﻬﻢ ﻭﻗﻠﺖ ﻟﻪ ﻟﻮ ﺳﻤﺤﺖ ﻣﺎﺗﺪﺭﻱ ﻭﻳﻦ
ﺍﺣﺼﻞ ﺍﻟﻤﻨﺎﻛﻴﺮ
ﻓﻴﻪ <<..؟ ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﻗﻮﻭﻭﻭﻭﺓ
ﻭﺟﻬﻪ ﺍﺑﻮ ﺍﻻﺣﺮﺍﺍﺍﺍﺍﺍﺍﺍﺍﺝ .. ﻗﺎﻝ ﺗﺮﺍﻙ ﺍﺷﻐﻠﺘﻨﺎ
ﻗﻠﺖ ﻟﻪ ﺑﺲ ﺍﻧﺎ ﻣﻈﻄﺮ ﺍﺭﺟﻮﻙ ﺳﺎﻋﺪﻧﻲ ﻗﺎﻝ
ﺍﻭﻛﻲ ﺑﺲ ﺍﻧﺘﻈﺮﻧﻲ ﺑﻌﺪ ﺷﻮﻱ ﻟﻴﻦ ﺍﺟﻴﻚ
ﺭﻓﻀﺖ ﻭﻗﻠﺖ ﻟﻪ ﺍﻧﺎ ﻣﺴﺘﻌﺠﻞ ﻗﺎﻝ ﺧﺬ 20
ﺭﻳﺎﻝ ﺍﻃﻠﻊ ﻣﻦ ﻣﺤﻞ ﺍﺑﻮ ﺭﻳﺎﻟﻴﻦ ﻭﺍﺷﺘﺮ ﻣﻦ
ﻣﺤﻞ ﻏﻴﺮ ﻫﺬﺍ ﻋﻠﻰ ﺑﺎﻟﻪ ﻳﺒﻲ ﺍﻟﻔﻜﻪ ﻗﻠﺖ ﻟﻪ ﺍﻧﺎ
ﺃﺑﻲ ﻋﺸﺮ ﻋﻠﺐ ﻣﻨﺎﻛﻴﺮ ﻣﻬﻮﺏ ﻭﺣﺪﻩ ﻗﺎﻝ ﻣﻬﻴﺐ
ﻣﺸﻜﻠﺔ ﺧﺬ 200 ﺑﺲ ﻓﻜﻨﺎ
ﺧﺨﺨﺨﺨﺨﺨﺨﺨﺨﺨﺨﺨﺨﺦ ﺍﺧﺬﺕ ﺍﻟﻔﻠﻮﺱ
ﻭﺍﻭﻝ ﺭﺟﻞ ﻫﺌﻴﻪ ﺷﻔﺘﻪ ﻋﻨﺪ ﺍﻟﺒﺎﺏ ﺧﻠﻴﺘﻪ
ﻳﻤﺴﻜﻬﻢ ﻣﺘﻠﺒﺴﻴﻦ << ﻧﺬﺍﻟﻪ .. ﻣﺎﺷﻔﺘﻮﻭﻭ
ﺷﻲﺀ .. ﻭﻣﺎﻟﻘﺎﻫﺎ ﺍﻻ ﺍﺧﺘﻲ ﺟﺒﺖ ﻟﻬﺎ ﺛﻼﺙ ﻋﻠﺐ
ﻣﻨﺎﻛﻴﺮ ﻣﻦ ﺯﻭﺩ ﺍﻟﻔﺴﻘﻪ
